Camiño de Santiago
Ribadeo, porta de entrada a Galicia no Camiño Norte
Ribadeo é a porta de entrada a Galicia do Camiño Norte, unha ruta histórica declarada Patrimonio da Humanidade. Desde a ponte dos Santos, cada ano miles de peregrinos cruzan a ría para iniciar aquí o seu camiño cara a Compostela. Este é o punto de partida dunha ruta de 193, 2 km que combina patrimonio, natureza e espiritualidade.
A etapa ribadense
Lonxitude
190,3 km
Dificultade
Media
A primeira etapa galega do Camiño do Norte ofrece unha combinación de paisaxes costeiras, patrimonio histórico e tradición hospitalaria. O percorrido atravesa o porto e o centro histórico de Ribadeo, continúa por prazas marcadas pola arquitectura indiana e pasa xunto a antigos hospitais de peregrinos. A medida que avanza, o camiño penetra en paisaxes rurais e localidades con séculos de tradición xacobea ata alcanzar Lourenzá.
Porto e centro histórico
O camiño comeza no porto de Ribadeo e ascende pola rúa Amando Pérez cara ao centro histórico. Aquí o peregrino penetra nunha vila con séculos de historia comercial e mariñeira. Entre as súas rúas, destacan a antiga Aduana (1726), a Casa de Abaixo ou o pazo dos Miranda.
Praza de España e arquitectura indiana
Tras pasar pola praza de Abaixo, antigo centro cívico, o itinerario alcanza a Praza de España. Edificios como o pazo de Ibáñez, a Torre dos Moreno ou o Convento de Santa Clara mostran a riqueza arquitectónica da vila e o legado dos indianos.
Santa María do Campo e hospitalidade histórica
A Igrexa de Santa María do Campo, con raíces medievais e tradición franciscana, lembra o papel hospitalario de Ribadeo. Nas súas proximidades, a rúa Villafranca del Bierzo acolleu un hospital de peregrinos desde o século XII.
San Lázaro e saída cara ao rural
O camiño segue cara á Capela de San Lázaro, último vestixio doutro hospital histórico. Desde aquí, a ruta abandona o centro urbano e penetra na paisaxe rural.
Parroquias e santuarios
O percorrido cruza Ove, Covelas e Arante. Na Ponte (Arante), o Santuario da nosa Señora das Virtudes, con pinturas murais e exvotos, destaca como lugar de tradición e devoción peregrina.
Camiño milenario cara a Lourenzá
Desde A Ponte, o camiño prosegue por unha antiga ruta cara a Lourenzá, entre paisaxes rurais e núcleos que conservan formas de vida tradicionais.