Ribadeo en 1, 2 ou 3 días
Itinerarios para descubrir Ribadeo ao teu ritmo
Ribadeo convida a descubrilo sen présa. Pero tamén é posible levar unha imaxe completa nunha escapada breve. Para que poidas descubrir a vila ao teu ritmo, suxerímosche estes itinerarios dun, dous e tres días.
Un día en Ribadeo: o esencial nunha xornada
Mañá
Tarde
Noite
Praza de España, centro histórico e barrio indiano
A mellor forma de empezar o día é na Praza de España. É o punto de partida perfecto para explorar o centro urbano. Alí mesmo atoparás a oficina de turismo e poderás solicitar un mapa-guía con rutas e horarios recomendados (especialmente útil se tes previsto visitar a Praia de As Catedrais, lembra que o seu acceso depende da baixamar).
Antes de abandonar a praza, tómate un momento para gozar das vistas. Nela álzanse edificios clave para entender a historia local: o palacio de Ibáñez, a cosmopolita Torre dos Moreno, o Convento de Santa Clara e a igrexa parroquial de Santa María do Campo. Cando tiveses suficiente, podes elixir entre dous percorridos. Co primeiro, penetrarás no centro histórico, declarado Ben de Interese Cultural. Se optas polo segundo, percorrerás a rúa peonil e chegarás ao barrio de San Roque, coñecido polos seus casaróns indianos de vivas cores e xardíns coidados.
Comer no centro
Ao longo do percorrido atoparás unha variada oferta de restaurantes, bares e tascas onde gozar da gastronomía local.
Rinlo, litoral e Praia de As Catedrais
Tras a pausa para a comida, podes ir percorrer parte da ruta do litoral e os miradoiros, con dirección a Rinlo. Este pequeno porto de orixe medieval conserva o seu urbanismo tradicional e unha forte identidade mariñeira.
Se a marea o permite, o percorrido continúa ata a Praia de As Catedrais, un dos areais máis espectaculares de Galicia. Os seus cantís e formacións rochosas lembran ás grandes catedrais góticas. Lembra consultar na oficina de turismo cal é o momento adecuado para acceder ao areal!
Cea e ambiente ribadense
De regreso ao centro, espérache unha cea con sabor local. Algúns restaurantes ofrecen menús degustación con produtos de tempada e proximidade, ideais para acabar o día ao grande.
Despois, podes alongar a xornada nalgunha das terrazas, bares ou locais con música en directo. A noite en Ribadeo ten opcións para todos.
Un día en Ribadeo: o esencial nunha xornada
Mañá
Praza de España, centro histórico e barrio indiano
A mellor forma de empezar o día é na Praza de España. É o punto de partida perfecto para explorar o centro urbano. Alí mesmo atoparás a oficina de turismo e poderás solicitar un mapa-guía con rutas e horarios recomendados (especialmente útil se tes previsto visitar a Praia de As Catedrais, lembra que o seu acceso depende da baixamar).
Antes de abandonar a praza, tómate un momento para gozar das vistas. Nela álzanse edificios clave para entender a historia local: o palacio de Ibáñez, a cosmopolita Torre dos Moreno, o Convento de Santa Clara e a igrexa parroquial de Santa María do Campo. Cando tiveses suficiente, podes elixir entre dous percorridos. Co primeiro, penetrarás no centro histórico, declarado Ben de Interese Cultural. Se optas polo segundo, percorrerás a rúa peonil e chegarás ao barrio de San Roque, coñecido polos seus casaróns indianos de vivas cores e xardíns coidados.
Comer no centro
Ao longo do percorrido atoparás unha variada oferta de restaurantes, bares e tascas onde gozar da gastronomía local.
Tarde
Rinlo, litoral e Praia de As Catedrais
Tras a pausa para a comida, podes ir percorrer parte da ruta do litoral e os miradoiros, con dirección a Rinlo. Este pequeno porto de orixe medieval conserva o seu urbanismo tradicional e unha forte identidade mariñeira.
Se a marea o permite, o percorrido continúa ata a Praia de As Catedrais, un dos areais máis espectaculares de Galicia. Os seus cantís e formacións rochosas lembran ás grandes catedrais góticas. Lembra consultar na oficina de turismo cal é o momento adecuado para acceder ao areal!
Noite
Cea e ambiente ribadense
De regreso ao centro, espérache unha cea con sabor local. Algúns restaurantes ofrecen menús degustación con produtos de tempada e proximidade, ideais para acabar o día ao grande.
Despois, podes alongar a xornada nalgunha das terrazas, bares ou locais con música en directo. A noite en Ribadeo ten opcións para todos.
Que ver en Ribadeo en dous días
Día 1
Día 2
Mañá
Centro histórico, barrio indiano e vida local
Empeza o día na Praza de España, alí sitúase a oficina de turismo. É boa idea solicitar un plano con rutas, información de mareas e puntos clave para organizar a xornada. Este espazo central está rodeado de edificios con historia: o palacio de Ibáñez, a Torre dos Moreno, o convento de Santa Clara ou a igrexa de Santa María do Campo.
Cando acabases de gozar desta zona, podes optar por dous percorridos. O primeiro lévate pola rúa peonil, chea de comercios e cafeterías. Tras percorrela, chegarás ao barrio indiano de San Roque. Nel consérvanse algunhas dos casaróns máis emblemáticos construídos polos emigrantes retornados de América, con fachadas decoradas e xardíns con palmeiras.
O segundo percorrido descende cara ao centro histórico, declarado Ben de Interese Cultural. Nel mestúranse casas señoriais e arquitectura popular. Ao final do camiño, xunto ao mar, espera a Capela da Atalaia (século XII), cunha vista inmellorable do porto deportivo e da Ría de Ribadeo. Para baixar ao porto podes usar o ascensor panorámico, unha forma práctica de conectar ambas zonas.
Tarde
Porto, paseo en barco e miradoiro de Santa Cruz
Despois do paseo polo casco antigo e o porto, podes comer nalgún dos restaurantes do porto deportivo. Peixes e mariscos frescos como o polbo, a robaliza ou as navallas protagonizan moitas das cartas.
Pola tarde, unha boa opción é embarcarse nun paseo en barco pola ría. Desde o mar poderás descubrir unha nova perspectiva de Ribadeo e do estuario que une Galicia e Asturias. Se o desexas, podes desembarcar en Castropol ou Figueras e tomar un culín de sidra antes de regresar.
De volta ao centro, un paseo ata o Monte de Santa Cruz recompensará cunha das mellores vistas panorámicas da Ría de Ribadeo.
Noite
Tapas, viño e ambiente local
A cea pode ser informal e saborosa. Unha ruta de tapas en calquera dos bares e restaurantes do centro. A chamada «cociña en miniatura», maridada con viños galegos con Denominación de Orixe, ofrece unha experiencia gastronómica completa e lixeira.
A noite ribadense é animada e acolledora. Terrazas, bares con música en directo e locais con ambiente tranquilo ou festivo convidando a alongar a xornada ao ritmo que prefiras.
Mañá
Rinlo, faros e tradición mariñeira
O segundo día deste itinerario lévate cara á costa. Podes comezar percorrendo a ruta dos miradoiros desde a rúa do Faro e facer unha parada nun dos lugares máis emblemáticos de Ribadeo: a Illa Pancha. Esta pequena illa, unida a terra firme por unha pasarela, alberga dous faros e ofrece unha panorámica espectacular do Cantábrico.
A seguinte parada é Rinlo, un pequeno porto tradicional de orixe medieval que conserva o trazado estreito das súas rúas (“corredoiras”) e o carácter mariñeiro das súas vivendas. Non deixes de achegarte ás antigas cetarias ―hoxe parte do patrimonio local― e gozar do ambiente tranquilo do pobo.
Tarde
Praias, litoral e As Catedrais
Despois dun paseo por Rinlo, nada mellor que unha comida fronte ao mar. O arroz caldoso con bogavante é o prato estrela da zona. Non te perdas tampouco os percebes e outros mariscos capturados polas propias mariscadoras do pobo.
Pola tarde, podes seguir a Ruta das Praias. Ao longo do percorrido atoparás areais como Esteiro, Illas ou Os Castros, ideais para un baño ou para tomarse un respiro fronte aos cantís. O broche perfecto pono a Praia de As Catedrais, declarada Monumento Natural e recoñecida como unha das máis espectaculares do mundo. Os seus arcos e formacións rochosas só se poden visitar con marea baixa. Non esquezas consultar os horarios antes da túa visita.
Noite
Gastronomía con selo local e cultura todo o ano
Para a cea, podes elixir entre os menús degustación dalgúns dos restaurantes do centro ou achegarte aos locais da N-634. En todos sérvese cociña tradicional galega con produtos de tempada: carnes á brasa, fabadas, fabas con ameixas ou pratos de culler.
Ribadeo ofrece, ademais, unha completa programación cultural ao longo do ano. Música en directo, teatro, narración oral ou actividades familiares forman parte habitual da súa axenda.
Que ver en Ribadeo en dous días
Día 1
Mañá
Centro histórico, barrio indiano e vida local
Empeza o día na Praza de España, alí sitúase a oficina de turismo. É boa idea solicitar un plano con rutas, información de mareas e puntos clave para organizar a xornada. Este espazo central está rodeado de edificios con historia: o palacio de Ibáñez, a Torre dos Moreno, o convento de Santa Clara ou a igrexa de Santa María do Campo.
Cando acabases de gozar desta zona, podes optar por dous percorridos. O primeiro lévate pola rúa peonil, chea de comercios e cafeterías. Tras percorrela, chegarás ao barrio indiano de San Roque. Nel consérvanse algunhas dos casaróns máis emblemáticos construídos polos emigrantes retornados de América, con fachadas decoradas e xardíns con palmeiras.
O segundo percorrido descende cara ao centro histórico, declarado Ben de Interese Cultural. Nel mestúranse casas señoriais e arquitectura popular. Ao final do camiño, xunto ao mar, espera a Capela da Atalaia (século XII), cunha vista inmellorable do porto deportivo e da Ría de Ribadeo. Para baixar ao porto podes usar o ascensor panorámico, unha forma práctica de conectar ambas zonas.
Tarde
Porto, paseo en barco e miradoiro de Santa Cruz
Despois do paseo polo casco antigo e o porto, podes comer nalgún dos restaurantes do porto deportivo. Peixes e mariscos frescos como o polbo, a robaliza ou as navallas protagonizan moitas das cartas.
Pola tarde, unha boa opción é embarcarse nun paseo en barco pola ría. Desde o mar poderás descubrir unha nova perspectiva de Ribadeo e do estuario que une Galicia e Asturias. Se o desexas, podes desembarcar en Castropol ou Figueras e tomar un culín de sidra antes de regresar.
De volta ao centro, un paseo ata o Monte de Santa Cruz recompensará cunha das mellores vistas panorámicas da Ría de Ribadeo.
Noite
Tapas, viño e ambiente local
A cea pode ser informal e saborosa. Unha ruta de tapas en calquera dos bares e restaurantes do centro. A chamada «cociña en miniatura», maridada con viños galegos con Denominación de Orixe, ofrece unha experiencia gastronómica completa e lixeira.
A noite ribadense é animada e acolledora. Terrazas, bares con música en directo e locais con ambiente tranquilo ou festivo convidando a alongar a xornada ao ritmo que prefiras.
Día 2
Mañá
Rinlo, faros e tradición mariñeira
O segundo día deste itinerario lévate cara á costa. Podes comezar percorrendo a ruta dos miradoiros desde a rúa do Faro e facer unha parada nun dos lugares máis emblemáticos de Ribadeo: a Illa Pancha. Esta pequena illa, unida a terra firme por unha pasarela, alberga dous faros e ofrece unha panorámica espectacular do Cantábrico.
A seguinte parada é Rinlo, un pequeno porto tradicional de orixe medieval que conserva o trazado estreito das súas rúas (“corredoiras”) e o carácter mariñeiro das súas vivendas. Non deixes de achegarte ás antigas cetarias ―hoxe parte do patrimonio local― e gozar do ambiente tranquilo do pobo.
Tarde
Praias, litoral e As Catedrais
Despois dun paseo por Rinlo, nada mellor que unha comida fronte ao mar. O arroz caldoso con bogavante é o prato estrela da zona. Non te perdas tampouco os percebes e outros mariscos capturados polas propias mariscadoras do pobo.
Pola tarde, podes seguir a Ruta das Praias. Ao longo do percorrido atoparás areais como Esteiro, Illas ou Os Castros, ideais para un baño ou para tomarse un respiro fronte aos cantís. O broche perfecto pono a Praia de As Catedrais, declarada Monumento Natural e recoñecida como unha das máis espectaculares do mundo. Os seus arcos e formacións rochosas só se poden visitar con marea baixa. Non esquezas consultar os horarios antes da túa visita.
Noite
Gastronomía con selo local e cultura todo o ano
Para a cea, podes elixir entre os menús degustación dalgúns dos restaurantes do centro ou achegarte aos locais da N-634. En todos sérvese cociña tradicional galega con produtos de tempada: carnes á brasa, fabadas, fabas con ameixas ou pratos de culler.
Ribadeo ofrece, ademais, unha completa programación cultural ao longo do ano. Música en directo, teatro, narración oral ou actividades familiares forman parte habitual da súa axenda.
Escapada de tres días para vivir Ribadeo a fondo
Día 1
Día 2
Día 3
Mañá
Centro histórico e Barrio Indiano
Este itinerario, do mesmo xeito que os dous anteriores, empeza na Praza de España. Nela concéntranse algúns dos edificios máis emblemáticos da vila: o palacio de Ibáñez, a Torre dos Moreno, o Convento de Santa Clara ou a igrexa de Santa María do Campo.
Desde este punto podes elixir entre percorrer o centro histórico —con casas blasonadas, mariñeiras e a Capela da Atalaia con vistas á ría— ou deixarte levar polo bulicio da rúa peonil e descubrir o barrio de San Roque, que alberga o mellor conxunto de arquitectura indiana de Galicia. Nesta contorna tamén podes visitar a Praza de Abastos, aberta cada mañá (excepto domingos) e repleta de produtos frescos do mar e da horta.
Tarde
Paseo pola ría e miradoiros con vistas
Despois de comer, propoñémosche un paseo en barco pola Ría de Ribadeo. Desde a auga, a vila revélase desde outro ángulo. Ademais, podes aproveitar para cruzar a Castropol ou Figueras, xa na costa asturiana.
Ao regresar, dáte un baño se a marea acompaña na praia dos Bloques. Ou percorre a Senda Azul, que che levará ata o antigo muíño de mareas, un dos recunchos máis tranquilos da contorna portuaria. Finaliza a tarde subindo ao Monte de Santa Cruz, o principal miradoiro panorámico de Ribadeo.
Noche
Tapas, viños e vida nocturna
A mellor forma de terminar o día é saír a tapear polo centro. Moitos restaurantes ofrecen cociña en miniatura con produtos de proximidade, acompañada de viños con Denominación de Orixe galega.
Se che apetece alongar a noite, Ribadeo conta con locais animados, terrazas e bares con música en directo que fan do seu ambiente nocturno un dos máis animados da comarca.
Mañá
Roteiro costeiro, Illa Pancha e Rinlo
Podes empezar a xornada xunto ao mar, percorrendo a ruta de miradoiros que discorre entre cantís e praderías abertas. É un tramo perfecto para camiñar con calma, tomar fotos e gozar da paisaxe atlántica.
A medio camiño espérate Illa Pancha, cos seus faros emblemáticos, un dos lugares máis fotografados de Ribadeo. Pouco despois, o camiño lévate ata Rinlo, antigo porto medieval que conserva o seu trazado tradicional e a súa alma mariñeira. Pasea polas súas corredoiras, descobre as cetarias construídas sobre a roca viva e, se che apetece, tómate un café xunto ao porto.
Tarde
Praias e As Catedrais
Despois de comer, segue explorando o litoral pola coñecida Ruta das Praias, un percorrido entre areais escondidos, entrantes rochosos e paisaxes moldeadas polo mar. Algunhas paradas recomendadas: Esteiro, Illas ou Os Castros, perfectas para bañarse ou sentar a admirar as vistas.
Reserva a última hora da tarde para visitar a Praia de As Catedrais, a gran icona natural de Ribadeo. Declarada Monumento Natural, os seus arcos de pedra, bufaderos e cantís esculpidos pola marea crean un escenario espectacular. Asegúrate de consultar o horario de baixamar para gozala en todo o seu esplendor.
Noite
Cea con sabor atlántico e ambiente cultural
Ao longo da N-634 atoparás varios restaurantes con especialidades locais: carnes á brasa, fabada, fabas con ameixas ou peixes frescos. Outra opción é volver ao centro e optar por un menú degustación con produtos de proximidade.
Para terminar o día, Ribadeo ofrece unha axenda cultural variada: concertos, teatro, espectáculos de pequeno formato… Consulta a programación e anímate a pechar a xornada cun plan diferente.
Mañá
Sendeirismo, miradoiros e paisaxes do interior
O terceiro día é ideal para descubrir a parte máis tranquila e menos coñecida do municipio. Podes alugar unha bicicleta ou prepararte para unha ruta de sendeirismo polo interior de Ribadeo. Unha das máis recomendables é a Ruta do Monte, que conecta as parroquias de Ove e Remourelle.
Durante o percorrido atoparás miradoiros como o de Santa Cruz, A Coroa ou O Comado. Tamén poderás achegarte a enclaves arqueolóxicos como as mámoas de Rego de Mel. Todos son paisaxes verdes e serenos, perfectos para desconectar e gozar da contorna natural a outro ritmo.
Tarde
Santuario, fervenza e tesouros ocultos
Pola tarde suxerímosche unha escapada á Ponte (Arante) para visitar o Santuario de Nosa Señora das Virtudes, coñecido polas súas valiosas pinturas murais e alcumado “a Capela Sixtina do Camiño do Norte”.
Moi preto atópase o Pozo Mouro ou Fervenza de Lexoso, unha pequena fervenza rodeada de vexetación autóctona que sorprende pola súa beleza. De regreso ao centro, aínda podes facer dúas paradas especiais: o Pazo de Cedofeita, xoia da arquitectura fidalga galega (visita exterior), e as Pegadas do Encanto, uns curiosos petróglifos podomorfos situados nunha zona de lenda (visita baixo reserva).
Noite
Despedida con mariscos e vistas á ría
Para pechar esta escapada de tres días, nada mellor que unha cea a base de mariscos do Cantábrico. Poderás probar centolas, nécoras, percebes, camaróns ou mesmo ostras cultivadas na ría (só en tempada).
Escolle un restaurante con terraza xunto ao porto ou no centro histórico e brinda por unha experiencia completa en Ribadeo: cultura, natureza, sabor e autenticidade.
Escapada de tres días para vivir Ribadeo a fondo
Día 1
Mañá
Centro histórico e Barrio Indiano
Este itinerario, do mesmo xeito que os dous anteriores, empeza na Praza de España. Nela concéntranse algúns dos edificios máis emblemáticos da vila: o palacio de Ibáñez, a Torre dos Moreno, o Convento de Santa Clara ou a igrexa de Santa María do Campo.
Desde este punto podes elixir entre percorrer o centro histórico —con casas blasonadas, mariñeiras e a Capela da Atalaia con vistas á ría— ou deixarte levar polo bulicio da rúa peonil e descubrir o barrio de San Roque, que alberga o mellor conxunto de arquitectura indiana de Galicia. Nesta contorna tamén podes visitar a Praza de Abastos, aberta cada mañá (excepto domingos) e repleta de produtos frescos do mar e da horta.
Tarde
Paseo pola ría e miradoiros con vistas
Despois de comer, propoñémosche un paseo en barco pola Ría de Ribadeo. Desde a auga, a vila revélase desde outro ángulo. Ademais, podes aproveitar para cruzar a Castropol ou Figueras, xa na costa asturiana.
Ao regresar, dáte un baño se a marea acompaña na praia dos Bloques. Ou percorre a Senda Azul, que che levará ata o antigo muíño de mareas, un dos recunchos máis tranquilos da contorna portuaria. Finaliza a tarde subindo ao Monte de Santa Cruz, o principal miradoiro panorámico de Ribadeo.
Noche
Tapas, viños e vida nocturna
A mellor forma de terminar o día é saír a tapear polo centro. Moitos restaurantes ofrecen cociña en miniatura con produtos de proximidade, acompañada de viños con Denominación de Orixe galega.
Se che apetece alongar a noite, Ribadeo conta con locais animados, terrazas e bares con música en directo que fan do seu ambiente nocturno un dos máis animados da comarca.
Día 2
Mañá
Roteiro costeiro, Illa Pancha e Rinlo
Podes empezar a xornada xunto ao mar, percorrendo a ruta de miradoiros que discorre entre cantís e praderías abertas. É un tramo perfecto para camiñar con calma, tomar fotos e gozar da paisaxe atlántica.
A medio camiño espérate Illa Pancha, cos seus faros emblemáticos, un dos lugares máis fotografados de Ribadeo. Pouco despois, o camiño lévate ata Rinlo, antigo porto medieval que conserva o seu trazado tradicional e a súa alma mariñeira. Pasea polas súas corredoiras, descobre as cetarias construídas sobre a roca viva e, se che apetece, tómate un café xunto ao porto.
Tarde
Praias e As Catedrais
Despois de comer, segue explorando o litoral pola coñecida Ruta das Praias, un percorrido entre areais escondidos, entrantes rochosos e paisaxes moldeadas polo mar. Algunhas paradas recomendadas: Esteiro, Illas ou Os Castros, perfectas para bañarse ou sentar a admirar as vistas.
Reserva a última hora da tarde para visitar a Praia de As Catedrais, a gran icona natural de Ribadeo. Declarada Monumento Natural, os seus arcos de pedra, bufaderos e cantís esculpidos pola marea crean un escenario espectacular. Asegúrate de consultar o horario de baixamar para gozala en todo o seu esplendor.
Noite
Cea con sabor atlántico e ambiente cultural
Ao longo da N-634 atoparás varios restaurantes con especialidades locais: carnes á brasa, fabada, fabas con ameixas ou peixes frescos. Outra opción é volver ao centro e optar por un menú degustación con produtos de proximidade.
Para terminar o día, Ribadeo ofrece unha axenda cultural variada: concertos, teatro, espectáculos de pequeno formato… Consulta a programación e anímate a pechar a xornada cun plan diferente.
Día 3
Mañá
Sendeirismo, miradoiros e paisaxes do interior
O terceiro día é ideal para descubrir a parte máis tranquila e menos coñecida do municipio. Podes alugar unha bicicleta ou prepararte para unha ruta de sendeirismo polo interior de Ribadeo. Unha das máis recomendables é a Ruta do Monte, que conecta as parroquias de Ove e Remourelle.
Durante o percorrido atoparás miradoiros como o de Santa Cruz, A Coroa ou O Comado. Tamén poderás achegarte a enclaves arqueolóxicos como as mámoas de Rego de Mel. Todos son paisaxes verdes e serenos, perfectos para desconectar e gozar da contorna natural a outro ritmo.
Tarde
Santuario, fervenza e tesouros ocultos
Pola tarde suxerímosche unha escapada á Ponte (Arante) para visitar o Santuario de Nosa Señora das Virtudes, coñecido polas súas valiosas pinturas murais e alcumado “a Capela Sixtina do Camiño do Norte”.
Moi preto atópase o Pozo Mouro ou Fervenza de Lexoso, unha pequena fervenza rodeada de vexetación autóctona que sorprende pola súa beleza. De regreso ao centro, aínda podes facer dúas paradas especiais: o Pazo de Cedofeita, xoia da arquitectura fidalga galega (visita exterior), e as Pegadas do Encanto, uns curiosos petróglifos podomorfos situados nunha zona de lenda (visita baixo reserva).
Noite
Despedida con mariscos e vistas á ría
Para pechar esta escapada de tres días, nada mellor que unha cea a base de mariscos do Cantábrico. Poderás probar centolas, nécoras, percebes, camaróns ou mesmo ostras cultivadas na ría (só en tempada).
Escolle un restaurante con terraza xunto ao porto ou no centro histórico e brinda por unha experiencia completa en Ribadeo: cultura, natureza, sabor e autenticidade.